Frábær sigur hjá 3 a á sterku og kröftugu B.Í liði

3 a fékk heldur betur áskorun þegar liðið atti kappi á móti djúpamönnum frá Vestfjörðum.Lið BÍ er með flottan og öflugan 98 árgang og liðið er byggt upp á þeim árgangi sem er ótrúlega sterkt fyrir þá að geta verið með svona marga sterka stráka í einum árgangi.Þetta lið sigraði td Rey-cup fyrir tveimur árum þegar þessir árgangar voru í 4 flokki.Þeir ætla sér til framtíðar að byggja á þessum árgangi og 97 árganginum í meistaraflokki félagsins.Vonandi gengur sú áætlun upp.

Fyrri hálfleikur

1-0

Helgi vinnur skallaeinvígi með flikki og Eddi laumar sér í frákastið og skorar örugglega framhjá landsliðsmarkverði u-17.

2-0

Helgi með flottan skalla sem hefur viðkomu í Edda og þaðan fer boltinn í stöngina og inn fyrir marklínu Djúpamanna.Markið skráð á Edda.Svona er lífið Helgi en mark er mark til okkar.

3-0

Brotið á Helga inn í vítateig BÍ og víti réttilega dæmt.Helgi á punktinn og mark.

4-0

Hvað er í gangi ? Fram er að ganga frá þessu geysisterka liði sm BÍ er og það í fyrri hálfleik.Trausti fljótur að átta sig og kastar inn á Helga úr innkasti og Helgi þræðir sig inn fyrir vörn BÍ og klárar færið frábærlega.

Seinni hálfleikur

Engin mörk en Helgi,Maggi Snær og Trausti allir nálægt að bæta við mörkum á meðan frábær vörn heimamanna úr Fram heldur öllum sóknartilraunum BÍ frá okkar marki.Frábær varnarvinna miðjunnar og þá sérstaklega í seinni hálfleik.Svona á að sinna varnarvinnu.

Frammistaðan

Markvarslan

Aron Elí gerði ein mistök þegar hann missti boltann eftir fyrigjöf BÍ en annars steig hann varla feilspor.Mátti ekki sjá á milli hvor væri landsliðsmarkvörður.

Vörnin

Aldeilis frábær með Gústa og Kristó frábæra sem miðverði og Danni og Unnar Steinn áttu stórgóðan leik í bakverðunum.Unnar Steinn er ótrúlega fjölhæfur leikmaður og að spila þetta margar stöður mun nýtast honum vel í framtíðinni.Danni er ein mesta framför ársins að mati okkar Villa.Þeir Hrannar og Alli komu inn á í bakverðina og þeir voru fínir og báðir með toppstikkið gjörsamlega á réttum stað.

Miðjan

Var sérstaklega heillaður varnarlega af Magga Snæ,Arnóri og Edda í seinni hálfleik en allann leikinn voru þeir flottir sóknarlega.Besti leikur Edda á árinu og flott að fá Arnór inn á ný.Maggi Snær verður bara betri og betri.Gaman að sjá hann á næsta ári.Axel var fjarverandi í Belgíu þennan leikinn.Frábært að eiga þarna fjóra klassa miðjumenn í flokknum og svo Mása sem kom inná og er alltaf í flottum klassa og hann er úr 4 flokki.

Sóknin

Hvað getur maður sagt um sóknarlínu sem skorar þettta mikið og reglulega.Sjálfur er ég með sentershjarta og þá reynir maður alltaf að sjá enn betra sem bæta má.Allir þrír eru þeir Trausti,Helgi og Óli Anton með frábæran hraða sem er hrikalega öflugt vopn.Helgi skorar sem aldrei fyrr og hann er þannig að hann þrífst á því og elskar að spila með þessum drengjum.Maður finnur það á honum að hann og samherjar hans lykta hvern annan ótrúlega vel sem endar eins og vel smurð vél.Bæði vængirnir og miðjumennirnir kunna vel inná hann.Óli Anton og Trausti hafa spilað mjög vel í ár en þeir eiga samt báðir slatta inni sem er frábært fyrir okkur.Þeir munu bara bæta í síðustu leikina og verða enn sterkari.Maggi Ingi kom inná og hann átti fína innkomu en þarf að passa að vera ekki að fara í þessi líkamlegu snertingu að óþörfu heldur að nýta sína sterku hliðar sem eru greind,staðsetningar og tækni inni á vellinumÞá eigum við enn Steina inni og þar er drengur í sama klassa og þessir sem spiluðu þennan leik.

Flottur sigur og við erum komnir í umspil c deildanna tveggja en við þurfum að vinna riðilinn til að fá heimaleik í undanúrslitum c deildarinnar og sleppa við ferðalagi til Vestmannaeyja,austur til Eskifjarðar eða út á Nes eða til Kópavogs.Klárum alla leikina og þá erum við þjálfarar flokksins sælir og glaðir með ykkur á allann hátt.