Vonbrigði,gleði og sáttur

Þetta eru orðin þrjú sem eru um leikina þrjá sem 4 flokkur Fram spilaði á móti FH í krikanum í dag.

A liðið 

Vonbrigði er þeirra orð fyrir að klúðra niður 3-0 forskoti sem liðið hafði sanngjarnt unnið sér inn með þremur flotturm skallamörkum frá Viktori Gísla,Halla og Ól Hauk.Þegar 20 mínútur voru eftir hafði FH ekki átt skot á okkar mark en varnarmistök gáfu FH líflínu sem hafði verið vonlaus.Það var eins og liðið lagðist niður í mör eftir markið og það var enginn sem steig upp og ekki vantar það að þarna eru margir drengir með mikkla reynslu úr 3 flokki þar sem allt er mikklu erfiðara í hraða og tempói.Við hefðum getað fengið á okkur fjórða markið í lokin en líka getað skorað þegar Máni reif sig í gegnum vörn FH og markvörður FH varði skot hans í slá og niður.

Strákar ef þið viljið fara í úrslit meðal átta bestu liða landsins þá verða allir að koma með höfuðið uppi í næsta leik og berjast fyrir hvern annnan og ekki bara í 50 mínútur heldur í 70 mínútur.

Viljið þið keppa um að vera besta 4 flokks lið Íslands ?

B liðið

Gleði er orð b liðsins pg það var mikil gleði eftir leikinn sem vannst á liði FH en FH hafði sigrað í fimm leikjum í röð en nú strandaði bátur þeirra á skeri Framara.

1-0

Sjálfsmark kemur Fram yfir

1-1

Næsta sókn eftir Frammarkið gefur víti til FH sem FH jafnar úr.

2-1

Frábært mark hjá manni leiksins .Baldvin með klassaskot sem siglir yfir markvörð FH.

3-1

Þessi gutti er ekkert blávatn og hann heitir Aron Snær sem skorar frábært mark aðþrengdur af varnarmönnum FH.

Leik lokið og okkar drengir stóðust öll áhlaup FH léttilega enda börðust þeir allir fyrir hvorn annan.Dugnaður,karakter og vilji var þeirra uppskrift.

Frammistaðan

Halli frábær í markinu.

Vörnin flott og þá sérstaklega í seinni hálfleik með Jón Hauk sem keisarann.Það vakti athygli að það voru tveir vinstrfótari bakverðir í bakvörðunum.Fyriliðinn Alex var fjarri góðu gamni vegna meiðsla og munar um minna.

Miðjan heillaði mig með vinnusemi og snjöllum leik.Baldvin var kóngurinn þar og Aron Snær sem er sóknarmaður var frábær honum við hlið og fyrir aftan þá var harðjaxlinn úr 5 flokki hann Gulli eins og stál.Kantarnir með Ágeir útsmoginn og Hilmar sem vann á við tvo stríðsmenn í toppstandi.Inná miðjuna vantaði þrjá sterka leikmenn.

Frammi hélt Máni leikmönnum FH vakandi með hraða sínum.

C liðið

Sáttur er þeirra orð þratt fyrir 5-0 tap.Liðið er byggt upp með fullt af 5 flokksstrákum sem hafa gert það að verkum í sumar að við gátum mannað liðið og ef þeirra hefði ekki notið við hefðum við þurft að draga liðið úr móti sökum mannfæðar.5 flokksstrákarnir hafa mannast og eru ári fyrrí staðinn klárir í 4 flokk en ella.Liðið spilaði oft á tíðum fínan fótbolta og aðeins óheppni kom í veg fyrir að Fram skoraði ekki marl í leiknum.Leikmenn voru ávalt að reyna að spila og það var það sem ég var sáttur við og það að allir leikmenn börðust allann leikinn og gáfust ekki upp og ekkert tuð var mönnum.

Rafal var frábær í markinu.Ómar og Ingvar Breki gríðarlega flottir sem miðvarðarpar og þeir hafa lært mikið í sumar.Þrándur var akkerið á miðjunni.Frikki heillaði mig einnig og hann hefur bætt sinn leik mikið.Beggi flottur í fyrri hálfleik en gaf eftir í seinni hálfleik og Elli er með fínar spyrnur.Becham stíll á honum.