Bikardraumurinn því miður úti hjá 3.flokknum þetta árið.

Á mánudaginn síðastliðinn fór fram leikur hjá A-liði 3.flokks gegn Haukum í  bikarnum. Niðurstaðan varð sú að við töpuðum leiknum í vítaspyrnukeppni eftir að leikurinn hafði endað 1-1 og hvorugt liðið náði að skora í framlengingunni.Það er ekkert sem er meira svekkjandi en að tapa í vító en það varð okkar hlutskipti í þessum leik og eins og svo oft áður hefur komið fram þá erum við lið sem stöndum allir saman og þar af leiðandi  sigrum við leiki saman og töpum.

Það er liðsheild sem vinnur titla ekki einstaklingar og finnst okkar þjálfurum gaman að fylgjast með hversu liðsheildin hjá þessu liði er að verða sterk og er alltaf að eflast en frekar. Þeir Maggi Snær og Danni og Helgi (í venjulegum leiktíma) sem lentu í því að klúðra sínum spyrnum í vítakeppninni geta huggað sig við það að bestu fótboltamenn í heimi geta klikkað líka og þetta fer allt í reynslubankann. Ein setning sem á vel við í þessu samhengi og ætti að vera ein af lífsreglum ykkar : “What doesn't kill you makes you stronger.”

Aðeins af leiknum sjálfum þá vorum við betri lungað af leiknum en fyrri hálfleikurinn hjá okkur var alls ekki nægilega góður. Það var þó mikil breyting á síðari hálfleik og áttum við hann algjörlega frá a-ö. Jöfnunarmarkið kom eftir brot á miðjum vellinum þar sem Magnús Snær var fljótur að hugsa og átti frábæra sendingu sem sveif yfir varnarmenn Hauka og beint fyrir fætur Helga Guðjóns sem afgreiddi boltann frábærlega og að mig minnir í fyrsta. Þarna var flottur leikskilningur hjá báðum tveim sem skóp markið og eigum við að gera meira af þessu. Ekki alltaf bíða eftir að þeir ná að stilla upp sínum varnarleik og taka svo spyrnunni heldur  er stundum gott að keyra hratt á andtæðingana og koma þeim að óvart. Staðan 1-1 og við algjörlega með tökin á þessum leik. Leikmenn Fram héldu áfram að fá færi eftir hornspyrnur og föst leikatriði en inn vildi boltinn ekki. Það var svo 10 mín fyrir leikslok sem Helgi Guðjóns slapp inn fyrir vörn Hauka og gerði allt rétt, sólaði markmann en var tekinn niður og því vítaspyrna dæmd. Markmaðurinn var klárlega afttasti maður og átti því líklegast að fá rautt en það gerðist ekki. Helgi Steig sjálfur á punktinn og lét verja frá sér. Það sem er hægt að segja er að fótboltinn er ekki alltaf sanngjarn og veit ég að okkar menn eru á því bandi eftr þennan leik en svona er leikurinn. Við fengum hörku leik gegn líkamlega sterku og flottu liði Hauka. Allir í þessu liði lifa fyrir svona leiki og vildu fá að spila svona leiki sem oftast. Þetta mun klárlega bara efla ykkur og þurfið þið nú þegar að vera algjörlega búnir að gleyma þessum leik og einbeita ykkur að næsta leik. Það er spilað þétt núna og er næsti leikur á morgun Fimmtudag gegn Breiðholtinu og ætlum við að halda áfram sigurgöngu okkar í þessu Íslandsmóti.

Flott frammistaða og náðu leikmenn að stíga upp eftir erfiðan fyrri hálfleik.Allir leikmenn  gáfu allt í þetta og leikmenn sem komu inn af bekknum stóðu sig með mikillri prýði. Flestir af þessum leikmönnum gæti lent aftur í þessari stöðu á næsta ári í 3.flokknum og þá mun þetta falla með okkur, það er á hreinu.

Kveðja Þjálfarar