3 stig á erfiðum útivelli hjá 3 a

A lið 3 flokks fór norður til Sauðakróks á erfiðan útivöll.Tindastóll hafði byrjað mótið illa en þeir höfðu ekki fram að þessum leik spilað heimaleik þannig að prófsteinn á þeirra getu var ekki kominn á annað en leikmenn annarra liða í riðlinum og okkar Framara voru byrjaðir að trúa.Maður fann það á leikmönnum að þrátt fyrir aðvörunarorð okkar Villa fyir leikinn að þá var svolítill gorgeir í leikmönnum liðsins.Þjálfari Tindastóls og leikmenn höfðu undirbúið sig vel fyrir þennan leik og úrslit Fram gerði það að verkum að Tindstóll dró liðið sitt aftarlega og skyldi lítið sem ekkert pláss eftir fyrir aftan vörnina og reyndu síðan langa bolta og treystu á föst leikatriðin til að skora.Þetta gaf árangur í upphafi á lélegum og ósléttum velli þeirra norðanmanna.

Fyrri hálfleikur

1-0

Þeirra fyrsta marktilraun gefur árangur og stórveldið er lennt undir.Gífurleg fagnaðarlæti leikmanna og nokkurs fjölda áhorfenda heimamanna.

1-1

Ekki stóð gleði norðanmanna lengi yfir því að Axel hinn kraftmikkli leikmaður Fram sem minnir mig á Villa frá því á dýrðrdögum yngri flokka Fram jafnar eftir flottan einleik í teig heimamanna.

2-1

Komið er fram í uppbótartíma þegar Danni kemur stórveldinu yfir eftir klafs eftir hornspyrnu frá Trausta.Annað mark Danna í teimur leikjum.Er Danni boy að klára kvótann sinn eða hvað ?

Seinni hálfleikur

3-1

Seinni hálfleikur er okkar og ekkert kjaftæði.Már með klassa sendingu á Óla Anton sem klárar færið vel eftir að hafa stungið vörnina hjá Stólum af.

4-1

Fagnaðarlætin varla liðin þegar Trausti skorar okkar fjórða mark og stingur bolta upp í munn áhorfenda sem höfðu í fyrri hálfleik gert athugasemdir við Reykjavíkurdrengi og þeirra hraustleika.Trausti fékk frábæra sendingu og kláraði færið mjög vel.

Við fáum fleiri færi því að Maggi Snær sem spilaði sem senter í forföllum Helga G,Óli Anton og Steini sem kom inn á í sínum fyrsta leik eftir meiðsli ná ekki að skora eftir fín færi.Gott að fá Steina til baka og breiddin er frábær og þvílýkur hraði á sóknarmönnum liðsins og þeir eru allir á yngra ári.

Góður sigur á erfiðum velli fyrir framan áhorfendur sem höfðu í fyrstu skoðun á okkur sem höfuðborgarbörn en heldur sljákkaði í þessu ágæta fólki þegar líða tók á leikinn.Við skulum átta okkur á því að hver einasti leikur er stríð og sá sem kemur óvopnaður til leiks er ekki með.Liðin munu liggja ftarlega á móti okkur og reyna að pirra okkur en við þurfum þolinmæði,vera fljótir að nýta möguleikana þegar þeir opnast.Svo þarf vinnusemin og stríðsandinn að vera til staðar.Þá má ekki gleyma aganaum inn á velli sem og fyrir utan.

Það var ánægja á svip leikmanna og þjálfara liðsins þegar við yfirgáfum þennan fallega bæ á norðurlandi og héldum á vit ævintýra í borg óttans.Sem er þó alltaf sá staður sem iljar manni mest að nálgast þegar að Kjalanesi kemur.