Úrslitakeppni 4 flokks a liðs 2014

Annað árið í röð tryggir a lið 4 flokks sér áfram alla leið í úrslitakeppnina.Aðeins átta lið á landinu öllu vinna sér rétt til þáttöku.

Breiðablik-Fram 3-0

Byrjuðum á því liði sem allir voru búnir að bóka sem Íslandsmeistarar strax um veturinn.Alls ekki alslæmur leikur þó að við höfum oft spilað betur á þessu ári að þá höfum við einnig spilað verr suma leiki.Þegar maður spilar leiki eins og á móti þetta sterku liði og vel mönnuðu þurfa má segja allir hlutir að ganga upp og við ekki að fá á okkur slysamörk en því miður var þetta leikurinn sem við gáfum ódýr mörk á okkur.

Fram-Snæfellsnes 8-1

Snæfellsnes mætti með nokkra hávaxna leikmenn og einn sem virtist vera með skrítið fæðingavottorð.Snæfellsnes hafði spilað jafnt daginn áður á móti sterku Breiðablik 2 liði og það var því spenna fyrir leikinn hjá stuðningsfólki Snæfellsnes.Þessi leikur var eign Framara og einn af best spiluðu leikjum sumarsins kom þennan daginn.Frábært hratt, flott og árángusríkt spil gaf átta mörk og þau mörg hver frábærlega flott á allann hátt.Unnar Steinn,Óli Haukur og Már voru allir með tvennu og Óli Sveinmar og Mikki settu eitt hvor.Það sem vakti mikla athygli við þennan leik var nefbrot Halla og varin tvö víti hjá góðum markmanni Snæfellsnes á móti Unnari sem hafði ekki klikkað allt árið í vítum.Allt liðið frá markmanni til fremsta leikmanns flott þennan daginn.Þess má geta að á leiknum voru tveir umboðsmenn annar frá Íslandi og hinn erlendur og hrifust þeir mjög svo að leikmönnum Fram og spilamennsku liðsins.

Breiðabli 2-Fram 0-2

Algjörlega sanngjarn sigur Framara á móti fínu lið'i Blika 2.Ótrúlega mikil breidd hjá þeim í þessum flokki.Óli Haukur og Már voru með mörkin tvö og Fram spilaði einum manni færri lungann af seinni hálfleik þegar hinum dagfarsprúða Egilstaðadreng Óla Sveinmar var vísað af velli.Aldrei hef ég séð jafn hissa leikmann rölta í átt að okkur þjálfurum liðsins.Allt liðið fínt frá Gunna markmanni til Óla Sveinmars fremsta manns.

Það var því ljóst að liðið endaði í öðru sæti riðilsins og telst því vera í 3-4 sæti yfir landið allt sem er flottur árangur.Blikarnir voru bara með betra lið en við og það hefði allt þurft að ganga upp til þess að sigur gegn þeim myndi verða að veruleika.En það er ljóst að Fram er komið á kunnulegan stall í 4 flokki karla sem er að vera eitt allra besta lið landsins í þessum flokki.Þetta er eithvað sem menn sem muna tímana sterka í þessum flokki kætast yfir.Stórveldið er mætt til leiks á ný þar sem því líður best.